3月25日

近期生活

呼呼~ 各位朋友你地好
好耐都無浦頭嘅我...其實一直都好留意大家嘅Xanga
不過大家都好似無乜點更新咁
力奇又換左第二個Blog....阿誠仲衰
直情Block埋我唔俾留言添...
唉...想喺度睇下大家近期嘅事都睇唔到添
(幸好仲有大M update 囡囡 D相)

話說回來...今日百無聊賴喺公司 (難得唔今日得閒)
就決定更新一下Xanga
如果大家有留意新聞 & 都會關心一下小妹公司嘅話
相信都知道今個月公司減薪....
本身話要減 5 ~ 20 % 
後來唔知咩原因...(可能外界壓力呱)
變到減 3 ~ 8 %
唉...好彩減完都仲有五位數字咋= ="
唔係嘅話相信我又要搵工 /_\

好耐都無去唱K
琴晚就突然之間約左兩個傾得埋嘅同事&同事老公去左灣仔唱K
好耐無唱歌啦我=3= 
一開始係咁俾人串我唱唔到高音
幸好=.=" 後來開左聲都唱得番
幾驚唱唔到歌丫我....話曬我熄曬燈都呃得吓人咖嘛 XD

係呢...大家又點丫....曾經俾人串我潛水潛到乜都唔知=.="
希望大家明白...近期公司真係好忙
工作量多左...薪金少左...工時長左...真係好慘咖
希望大家可以體諒下我啦

同大家講聲...我工作時間都會online (MSN)
大家得閒都可以MSN下我傾下計咖
千祈唔好忘記我丫   >口<

在此祝大家事事順利
再補送多個吻添 >3< 啜~*

9月28日

較定十點半鬧鐘起身，打電話叫Vicky起身
之後再嘈醒我男朋友仔，釣魚啵～梗係要早啲起身啦
唔知Vicky做乜整尼整路....攪左好耐都未等到佢話出門口嘅電話
唔小心就恰左一陣...瞓到點幾鐘我男朋友仔就叫我起身...話Vicky已經出左門口啦=3="
拿拿聲換衫...就出發去西貢嚕

去到西貢，由於我同我男朋友仔乜都未食嘅關系
就去左西貢有點名氣嘅松記車仔麵
排左好耐隊...終於輪到我叫野食啦
可能我本身唔多鐘意食車仔麵...所以叫餸都好慢
俾個阿姐串：你一次過講曬得唔得丫
算啦=3= 今日出海釣魚我心情好..唔同你計較
我男朋友仔排我後邊...一次過講曬要嘅餸
點知個阿姐又執漏餸俾佢，仲再問佢一次要咩餸
俾我男朋友仔串番佢：你又話一次過講曬？聽唔切丫？
個阿姐即時黑曬口面  (呵呵~低死)
食左陣Vicky先到...叫左個麵食
之後就出發去搵船嚕^o^

本來諗著去對面買埋餌先去搵船
點知Vicky話如果我地買曬餌果D船家就會叫價高啲
所以乜都無買，行到去小巴站附近...即刻有人問我地係唔係租船
又問我地買左餌未同釣到幾點..我地梗係答：
未丫...睇定咩價錢先決定租唔租船....如果租嘅話釣到七點前囉
個叔叔即刻話650包餌...咁就拍板
個叔叔行開去叫船..我地就去OK便利店買左幾支水
之後就出發上船囉

開左船到達目的地之後...唔夠十分鐘
咦...條線拉我嘅...有魚上釣啵～
中鈎果陣只係識得"嘩、嘩、嘩"咁
佢地又完全唔知咩事...直至我越嘩越急
成地先過黎望吓我咩事 (佢地個款好似以為我鈎到石頭大驚小怪咁= =+)
點知見到條魚絲郁得咁厲害...先知我中魚
由於我果陣時電話響緊...所以拉左條魚上船果陣就丟左俾Vicky
趕著接電話嘛...最終無影到相   (諗到尼度真係想喊)
嘿嘿~ 唔夠十分鐘就釣到條斤幾海班
今次仲唔威曬^﹏^

可惜...全日都無影相~_~
唔係嘅話就可以post上黎大家分享下>.<"
無影到相真係最大遺憾

何去何從....?

距離離職只係得番十日

都好多同事希望我可以留低

連出名乞人憎嘅人事部主管都希望我留低

計落去...上至社長、股東代表...下至接待、事務員，都一一請我留低

某情度上有點兒高興...最少我覺得自己俾人地嘅感覺係有價值

唔係是但請個人都可以取代我

由我遞信至今每個要番工嘅日子，營業部副總監都同我傾叫我留低嘅問題

其實我都考慮緊...但當決定留多一個月嘅時候

偏偏又遇上左同上司頂撞事件 (真懷念以前頂撞阿傑嘅日子=﹏=a)

果一刻覺得絕對唔會再留喺尼間公司

但經過琴日同男朋友仔鬧交之後(其實都唔算鬧交...係佢完全無視我=口=")

我又諗...其實而家乖乖地有份工咪幾好...~_~

我真係好唔希望俾男朋友仔嘅屋企人覺得我大食懶、未定姓、成日轉工、又成日失業

我成日覺得自己已經準備好結婚，但有時我都諗緊係唔係我自己根本就唔適合做人地新抱、老婆

以前我所有男朋友嘅父母都好疼錫我...連衫、碗都唔需要我洗，所以我以為自己好懂得氹外父外母

但...原來伯母覺得我懶~_~ 我而家已經每晚都洗碗..每星期又洗衫(當然only自己&男友果份@@")

乜我而家好懶咩~_~ 我同朋友住果陣我又唔洗點做野...同以前男友住又唔多點做野

而家已經每日都洗碗...比起以前真係算好好好好好好咖啦~_~

當然....我好明白我唔能夠以我以前黎比...入得尼個門就要守尼個家既規矩

親愛嘅男朋友仔>﹏< 過幾日就生日啦～

我會做好自己，等你知道自己無揀錯人＞３＜　Ｉ　Ｌｏｖｅ　Ｙｏｕ

離職倒數

今日終於遞左辭職信俾人事部

其實都講左好耐咖啦....信都打好左好耐

但係今日先下定決心咁遞信 (仲要無直接話俾上司聽)

可能會有朋友仔話我成日轉工、份份工都做唔得長、收得份人工就預左俾人鬧

但今次....我相信我離職嘅原因大家都會好支持...原因係：

『拖欠薪金』

大家係唔係覺得我走得好岩呢=﹏="

唉..有時我真係反醒

其實係我命水唔好...定真係因為我工作態度問題呢~?

自從喺「Run起」離職之後...我自問嘅態度已經改左好多

當然..尼啲就梗係only喺公司啦

最少....我大大聲聲俾人鬧...做啲唔屬於我嘅工作...甚至做埋打雜...我都默默忍耐
(當然....離開上司視線範圍仍然係XYZABC啦)

有時我真係覺得....尼個仲係唔係我呢~?

其實我真係唔介意工作量多..但我真係好介意工作唔開心

雖然..尼邊嘅同事們大多數都好好人

當然...公司一定會有小人存在，但最少都可以傾得埋 (最多八掛野出自小人口中)

就算唔係我工作範圍我都可以做埋...反正我得閒嘛，何況「吃虧就是佔便宜」

亦都有人話..你份人工就包埋你受氣，尼個我都非常同意

但...糧都無得出= = 仲要朝早問就話下晝俾你....放工前就話講聽日出

尼種欺騙我真係頂唔順囉

真係佩服尼間公司嘅同事們...點解可以忍受到尼樣野

記得之前又有關於公司拖欠薪金並被申請清盤新聞嘅時候..

我問佢地驚唔驚公司執笠..佢地竟然可以答我

公司有錢咖，係唔出糧俾你地之嘛...清盤限期前一定還得曬啲錢嘅

聽到真係令我"O"左咀囉= =" 果然...喺限期前一小時內還清款項

公司嘅制度我覺得完全係拖得就拖

尼啲咁嘅公司根本就唔係做野....一個人身兼N職

糧又唔會加...唔拖你已經算偷笑

以前就算出現尼個情況都會有人俾左錢我先

等公司出糧之後我再俾番佢...咁嘅話我倒是可以接受...反正我都無蝕底

但尼個所謂嘅上司完全唔理我感受...

我無所謂咖...失業又唔會死嘅...我又唔係未試過

何況除左「Run起」之外我所有工都係人地介紹咖啦  (自我安慰中)

仲有好多好多事同感覺都打唔到出黎....所以...唉

打到尼度先啦...等我啲感覺番番黎嘅時候再繼續